काठमाडौं- हस्पिटालिटी सेक्टरमा १५ वर्षदेखि सेवा दिँदै आएको आरजी क्रिएसन्सले नाइट क्लब, होटल, इभेन्ट भेन्यू, क्याफे लगायत प्रिमियम आउटलेटहरूको डिजाइन, निर्माण र सञ्चालनमा विशेषज्ञता हासिल गरेको छ।
कम्पनीका कार्यकारी अध्यक्ष राम गिरीले भने, “हामी लगानीकर्ताको बजेट अनुरूप कम लागतमा उत्कृष्ट डिजाइन प्रदान गर्छौं। विश्वका नयाँ ट्रेन्डलाई नेपाली बजारमा अनुकूल बनाउने हाम्रो विशेषता हो।”
हाल कम्पनीले लाजिम्पाटमा अन्तर्राष्ट्रिय स्तरको ‘लिजेण्ड नेपाल’ नाइट क्लब निर्माण गरिरहेको छ, जसमा ३०० भन्दा बढी अत्याधुनिक सामग्री प्रयोग हुनेछ। यसअघि रामबाग महल, म्याजेस्टिक ग्रान्ड, डेजाभु डिस्को थेक जस्ता प्रख्यात आउटलेटहरू निर्माण गरिसकेको छ।
आरजी क्रिएसन्सले देशभरका साथै चीनको सेन्जेनमा पनि आफ्नो कार्यालय संचालन गरिरहेको छ। कम्पनीको लक्ष्य नवीनतम प्रविधि प्रयोग गरेर नेपालको पर्यटन क्षेत्रमा योगदान पुर्याउनु रहेको छ।
निर्देशक सुमित्रा पौडेल उप्रेतीले भनिन्, “हाम्रो प्राथमिकता गुणस्तरीय र सस्तो निर्माण सेवा प्रदान गर्नु हो।” कम्पनीले धरान, पोखरा लगायत देशभर र विदेशमा पनि प्रोजेक्ट निर्माण गरिरहेको छ।
२० वर्षे अनुभवी गिरी भन्छन्, “हामी युनिक कन्सेप्ट र गुणस्तरीय सामग्री प्रयोग गरेर नयाँ मानक स्थापित गर्दैछौं।” पर्यटन विकासमा योगदान पुर्याउने उद्देश्यले कम्पनी अगाडि बढ्दैछ।
