आरजी क्रिएसन्स नेपाल आर्किटेक्ट एण्ड इन्जिनियरिङ कम्पनीले ‘इभेन्ट भेन्यु’ अर्थात् उत्सवस्थल निर्माणको शैलीलाई नयाँ उचाइमा पु¥याएको दाबी गरेको छ । कम्पनीका कार्यकारी अध्यक्ष राम गिरीले परम्परा र आधुनिकताको संयोजनमार्फत ‘अनुभवमुखी’ भेन्यु निर्माण गर्ने अवधारणाले यसमा परिवर्तन ल्याएको बताए । उनका अनुसार कम्पनीले भेन्यू डिजाइनमा सौन्दर्य, कार्यक्षमता र सांस्कृतिकतालाई प्राथमिकतामा राखेको छ ।
निर्माण गरिएका भेन्युहरूमा नेपाली मौलिकता, वैज्ञानिक व्यवस्थापन, सुरक्षा, पार्किङ सुविधा तथा वातावरणमैत्री सामग्रीको प्रयोगलाई प्राथमिकता दिइएको छ । कम्पनीले निर्माण गर्ने भेन्यूहरूमा शास्त्रीय भव्यता र नेपालीपनको संयोजन दिने उनको दावी छ । ‘पहिले पार्टी प्यालेस भनेको मान्छे अट्ने ठूलो हल मात्रलाई चिनिन्थ्यो,’ गिरी भन्छन्, ‘हामीले त्यसलाई एउटा सुन्दर, भव्य, आकर्षक, सुरक्षित र सहज व्यवस्थापनको समन्वय भएको सम्पूर्ण अनुभवमा रूपान्तरण गर्न खोज्यौं ।’ उनका अनुसार, विगत दशकमा पाँचतारे होटलमा हुने कार्यक्रमहरूलाई समेत व्यांक्वेटतर्फ आकर्षित गराउन कम्पनी सफल भएको छ ।
स्वदेशदेखि विदेशसम्म सेवा सोसल मिडियाको प्रभावले अहिले भेन्यूहरूको डिजाइनमा नयाँ आयाम थपेको छ । ‘आज कुनै पनि भेन्यू फोटोजेनिक हुनु अनिवार्य छ,’ अध्यक्ष गिरी भन्छन्, ‘भेन्यू आफैंमा एउटा विज्ञापन हो । यसैकारण हामीले कपी–पेस्ट डिजाइनको बाटो नअपनाई प्रत्येक प्रोजेक्टलाई अलग पहिचान दिने रणनीति अपनाएका छौं । एउटै शहरभित्र रहेका भेन्यूहरूबीच पनि डिजाइन, रंग संयोजन र थीममा स्पष्ट भिन्नता देखिन्छ । हामी डिजाइन दोहो¥याउँदैनौं । प्रत्येक भेन्यूलाई उसको छुट्टै पहिचान, भव्यता र विशेषतासहित निर्माण गर्छौं ।’ काठमाडौं उपत्यकाभित्र रामबाग महल, म्याजेस्टिक ग्रान्ड, हर्ष बाटिका, मण्डला मोमेन्ट, संगम बाटिका, उत्सव कुञ्ज, पिकलो दरबार, ताज रिसेप्सनजस्ता भेन्यूहरू आरजी क्रियसन्सले डिजाइन गरेका हुन् ।
कम्पनीले नेपालका प्रमुख शहरहरू पोखरा, चितवन, बुटवल, इटहरी, धरानमा पनि आफ्नो डिजाइनमार्फत नयाँ मापदण्ड स्थापित गरेको दावी गरेको छ । अन्तर्राष्ट्रिय बजारतर्फ अष्ट्रेलिया, भारत र चीनमा पनि सेवा विस्तार भइरहेको कम्पनीले जनाएको छ । त्यसैगरी, रात्रिकालीन आतिथ्य क्षेत्रमा दरबारमार्गस्थित डेजाभु डिस्कोथेक, भिक्ट्री लाउञ्ज तथा ठमेलका फूलमून क्याफे, फेसेस लाउञ्ज, रकर्स म्याजिकजस्ता आउटलेटहरू पनि कम्पनीकै डिजाइनमा लगानीकर्तालाई हस्तान्तरण गरिएको छ । आरजी क्रिएसन्सले परियोजनाको सम्पूर्ण चक्रमा एकीकृत सेवा प्रदान गर्दै आएको छ । कम्पनीले पुराना र आउटडेटेड पार्टी प्यालेसहरूलाई आधुनिक स्वरूपमा ‘रिनोभेट’ गरेर नयाँ जीवन दिँदै आएको छ । जग्गा छनोटदेखि कन्सेप्ट निर्माण, डिजाइन, सञ्चालन र व्यवस्थापनसम्मको सेवा कम्पनीले प्रदान गर्दछ
